fòto : Floris Bressy coma lo concors de l’aeroclub de Cruesa
Dempuei quauquas decennias, qu’es estat la mòda de desraijar los plais per crear de las grandas parcelas agricòlas. Aura, quela practica, la meten en question, puei qu’un s’es apercebut que los plais an 'na plan granda utilitat ecologica: aiden a luchar contra los inondaments e la sechiera, empaichen l’erosion daus sòus, son un avantatge per la biodiversitat perque jueguen le ròtle de corridors ecologiques.
En Cruesa, beucòp de plais son estats desraijats, mas ne’n demòra enquera tot plen. L’Ofici francés per la biodiversitat a lançat ne l’i a pas gaire 'na iniciativa per los valorizar. D’en prumier s’agirá de los recensar e de far un diagnostic de lor estat, de lor composicion e de lor morfologia. Queu trabalh, lo faràn daus benevòles.
Dins un segond temps l’i aurá 'na mission de sensibilizacion e d’acompanhament dau monde agricòla e de la collectivitat per favorizar las bonas practicas de gestion e d’entreten daus plais. L'objectiu es de far dau plais un avantatge per los paisans pustòst que 'na constrencha.
Queu project costará 200 000 èuros e es un daus quaranta sieis projects retenguts per l’Ofici francés per la biodiversitat en 2020. Le departament de la Cruesa l’i portará 15 000 èuros. Sa mesa en òbra durará dos ans.
Article signat: Eric Gonzalès
'Quò-'quì n'es pas dau patoàs, mas un lengatge tecnocratique. 'Quò fai estranh en lemosin, filh de garça.
RépondreSupprimer